Unwaith y byddwn wedi adolygu eich cais, byddwn mewn cysylltiad â chi. Os cewch eich rhoi ar y rhestr fer, byddwn yn eich gwahodd i gyfweliad anffurfiol, naill ai ar-lein neu wyneb yn wyneb, er mwyn dod i'ch adnabod yn well. Byddwn yn gofyn i chi am unrhyw anghenion cymorth ychwanegol y credwch y dylem wybod amdanynt er mwyn eich galluogi i gymryd rhan mewn cyfweliad. Os byddwch yn llwyddiannus yn y cyfweliad, byddwn yn gofyn a allwch chi roi ID i ni. ID gyda llun yn ddelfrydol, ond peidiwch â phoeni os nad oes gennych chi hwn, gallwn drafod opsiynau eraill gan nad yw hyn yn rhwystr i wirfoddoli gyda ni. Byddwn hefyd yn gofyn i chi am enwau a manylion cyswllt dau berson sy'n eich adnabod mewn swyddogaeth waith, academaidd neu broffesiynol. Gallai hyn fod yn gyflogwr, athro, tiwtor, cydweithiwr, neu gyn-gydweithiwr lle rydych chi wedi gweithio neu wedi gwirfoddoli o'r blaen. Gallai hefyd fod yn rhywun sy'n eich adnabod yn dda, ond nid yn aelod o'ch teulu. Os hoffech drafod pwy all fod yn ganolwr yn gynharach, cysylltwch â Sophie Jones, Cydlynydd Cymorth Dysgu a Gweinyddu ar 01352 70684. Nid oes disgwyl na gofyniad i chi wneud hynny.